أخر الأخبار

الجيش اللبناني وبلدية راشيا في يوم تحريج

لمناسبة يوبيل لبنان – 75 سنة استقلال اقام الجيش اللبناني، وبلدية راشيا يوم تحريج في راشيا، بالتعاون مع جمعية الثروة الحرجية والتنمية، وذلك عبر غرس 1500 شجرة ارز. شارك في هذا النشاط الى جانب الجيش اللبناني ممثلاً بالعقيد الركن علي الحجيري عدد من الجمعيات، وفعاليات المنطقة، وفرق كشفية، وطلاب مدارس، وكان لرئيس بلدية راشيا بسام دلال كلمة قال فيها:
من بلدة الاستقلال راشيا…
من مهد الشهادة المعطرة بريحة التراب…
من ٧٥ سنة من التضحيات…
كرمال يضل الوطن وطن للكل دون استثناء…
الف تحية للوطن ولجيش الوطن الحامي…
مش غريب نكون اليوم عم نحتفل باليوبيل الماسي للاستقلال بظل قلعة راشيا مع الجيش يللي قدم الغالي كرمال يضل لبنان وطن مستقل من كل اشكال الاحتلال والتبعية …
اليوم ومع الجيش رح تحتفل بالعيد ال ٧٥ للاستقلال بطريقة استثنائية…
رح نترافق مع عناصر الجيش بمهمة بيئية وطنية كبيرة وهي غرس شجر الارز حتى يبقى الارز عنوان صحة وسلامة الجبال بلبنان …
متل ما الارز عنوان كرامة وعزة لبنان…
الف شكر وتحية للجيش اللبناني قيادة وضباط وافراد …
الف تحية للشهدا يلي زرعوا دمهن ارزات ما بتموت على ارض الوطن… الف تحية لكل نقطة عرق من جبين كل عسكري لبناني لأنها عنوان الشهامة …
شكراً للمجتمع المدني والأهالي والكشافة ولكل شخص شاركنا اليوم للمحافظة على بيئتنا..
شكر لجمعية الثروة الحرجية والتنمية وبخص بالذكر السيدة مايا نعمة والأستاذ هشام سلمان على تقديم الأرز…
عشتم وعاش الجيش متل الأرز بلبنان شامخاً وعاش لبنان.

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى