قطع الطريق الدولية في ساحة شتورا
الحنان برس _
قطع اصحاب الفانات والسيارات العمومية الطريق الدولية في ساحة شتورا احتجاجاً على الاوضاع المعيشية الصعبة وعلى ارتفاع سعر الدولار وغلاء مادة البنزين التي تباع ب مائة الف ليرة في السوق السوداء وكذلك مادة المازوت.
ايمن الميس تحدث باسم المحتجين وقال:
١٨٠٠٠ ليرة الدولار حليب لاطفالنا مش عم نلاقي وكذلك الدواء بنزين ما في مازوت ما في اكل. نحن نوجه رسالة تصعيدية يوم الاثنين سيكون شي كتير كبير على صعيد كل لبنان والبقاع رح يكون مسكر.
ابراهيم النعيمي صاحب فان قال:
عنا موضوعين الاول بدنا نوجه من ساحة شتورا لرئيس الجمهورية الذي هو بي الكل رح نقول كلمتين نحن جماعة وقفنا شغلنا ستة اشهر ونحن بعد شوي مش رح نلاقي اكل لناكل انت شو برايك نعمل؟.
والشغلة الاهم نطلب من قائد الجيش الذي نحترم ونُجل من المؤسسة العسكرية نهار الاثنين نطلب امنية من المؤسسة العسكرية ما تنزلوا تشيلونا عن الطريق لان ذلك عم بيساعد الفساد اللي بعدن عم بيستقوى علينا نحن نقول لقائد الجيش انت بي الكل ما تنزلوا تشيلوا الناس نهار الاثنين. لانو باختصار نحنا جماعة مش عم لاقي شي. نحنا عم نقتل بعض ع الطرقات وبالمحلات وع محطات البنزين. الناس تشنجت.
